Dayamaya Guru Karunamaya Lyrics In Kannada | Dodderi Appaji Songs

Dayamaya Guru Karunamaya Lyrics In Kannada | Dodderi Appaji Songs

ದಯಾಮಯ ಗುರು ಕರುಣಾಮಯ |

ಕರುಣಾಮಯ ಗುರು ಪ್ರೇಮಾಮಯ || ಪ ||

ಪರಮ ಸ್ವರೂಪನು ತಾನಂತೆ |

ಅರಿಯಲು ಭಕ್ತಿಯು ಬೇಕಂತೆ |

ಒಲಿದರೆ ಪಾವನನವನಂತೆ|

ಸಂಸಾರದ ಭಯ ಅವಗಿಲ್ಲಂತೆ || ೧ ||

ಗುರುವಿಗೆ ಸಮನಾರಿಲ್ಲಂತೆ|

ಗುರು ಪಾದವ ನಂಬಿರಬೇಕಂತೆ |

ದೃಢತೆಯು ತನಗಿರಬೇಕಂತೆ |

ಧೃತಿಗೆಡದೆ ತಾನಿರಬೇಕಂತೆ || ೨ ||

ಪಾಪಿಗೆ ತಾ ಬಹುದೂರಂತೆ |

ದುರ್ಮಾರ್ಗಿಗೆ ಕಾಣನು ಗುರುವಂತೆ |

ಕುಟಿಲರಿಗೋಲಿಯನು ತಾನಂತೆ

ಕುಹಕಿಗೆ ಎಂದೂ ಸಿಗನಂತೆ || ೩ ||

ಜ್ಞಾನವೆ ತನ್ನುಸಿರಾಗಿಹುದು|

ಉಸುರಲು ಪಾವನವಾಗುವುದು |

ಸೇವೆಯೆ ಸಾಧನೆಯಾಗಿಹುದು |

ಗುರು ಕರುಣೆಯೆ ಧನ್ಯನ ಮಾಡುವುದು || ೪ ||

ಶರಣಾಗತರನು ಕಾಯುವನು |

ಪರಮಾನಂದವ ನುಣಿಸುವನು|

ನಿಜ ಭಕ್ತಿಗೆ ಗುರು ತಲೆ ಬಾಗುವನು |

ಭವ ಜಲಧಿಯ ದಾಂಟಿಸಿ ಕಾಯುವನು || ೫ ||

ನಾ ನೀಯೆಂಬುದನಳಿಯೆಂದಾ |

ಮದ ಮತ್ಸರಗಳ ನೀ ಸುಡು ಎಂದಾ |

ದುರುಳರಿಗೆ ನಾ ದೂರೆಂದಾ|

ದುರಹಂಕಾರಿಗೆ ತಾ ಸಿಗನೆಂದಾ || ೬ ||

ಸದ್ದುರು ದೊರೆವುದು ದುರ್ಲಭವು |

ದೊರೆತರೆ ಜನ್ಮವು ಪಾವನವು |

ಸಾರುತಲಿರುವವು ಶಾಸ್ತ್ರಗಳು |

ಗುರು ಪರಮೇಶ್ವರನಹುದೆಂದೂ || ೭ ||

ಅಚ್ಯುತ ಅನಂತ ಶ್ರೀ ಗುರುವೆ |

ಚಿನ್ಮಯ ಚಿದ್ಘನ ನೀ ಗುರುವೆ |

ಗುರು ಕನ್ನೇಶ್ವರ ಬಾ ಗುರುವೆ |

ಕರ ಜೋಡಿಸಿ ನಾ ಶಿರ ಬಾಗಿರುವೆ || ೮ ||

YouTube video 👇